«Қаражанбасмұнай» командасы – облыс кубогының вице-чемпионы

Ширек финалдың алғашқы ойынында біздің жұмысшылар облыстың ең мықты командаларының бірі «Мобил-Сервисті» 6:3 есебімен жеңді. Бұл футбол жанкүйерлері мен сарапшылар арасында өзіндік сенсацияға айналды. Жартылай финалда қаражанбастықтар өткен жылғы Қазақстан чемпионы «Өзенмұнайгаз» командасымен кездесті. Футболшыларымыз бұл жолы да табандылық көрсетіп, 4:3 есебімен жеңіске жетті.

Осылайша, ҚБМ Маңғыстау облысы кубогының финалына шығып, Қазақстан мен облыстың қазіргі чемпионы - мықты қарсылас «Ақтау BS Строй» командасымен ойнады.

«Турнирдің жылдамдығы, кейбір тәжірибелі ойыншылардың болмауы финалдық ойын нәтижесіне әсер етті. «Ақтау BS Строй» футболшылары жақсы дайындығын көрсетіп, 14:3 есебімен Маңғыстау облысы кубогын жеңіп алды. Ал біздің команда Вице-чемпион атанды. Бұл биылғы футбол маусымындағы үлкен жетістік және жеңіліс біздің ойыншыларға алдағы турнирлерге күш пен сенімділік береді», – деп ҚБМ командасының шабуылшысы Владимир Турков өз әсерімен бөлісті.

Айта кету керек, біздің команда құрамында Сергей Суховерхов, Абылай Телегенов, Владимир Турков, Батырбек Кенжеғалиев, Омар Тарбанов, Серейдун Истыгалди сияқты тәжірибелі шеберлер ойнады.